nba直播吧 – NBA在线直播与今日NBA赛程平台

西甲周三凌晨上演巴塞隆拿主場迎戰伊巴。「地上最強」巴塞喺聖誕前大勝華拉度列，球隊上下安心過佳節，今仗回師主場出擊，就算隊長美斯因為延長假期而缺陣，但仍有望交出好表現；既然巴塞近5次聯賽主場對伊巴有4次開4球或以上，捧3.5球大盤。（Now 632及611周三凌晨2時15分直播）

歐聯分組賽告一段落，巴塞近期喺西甲亦重上正軌，近4仗錄得3勝1和，聖誕前成功克服不擅作客毛病，以3比0大勝主隊華拉度列，隊長美斯取得1個入球，以644球打破巴西球王比利保持嘅單一球會入球紀錄，創下里程碑嘅美斯亦舉家飛返阿根廷過聖誕。

伊巴對賽破到蛋
巴塞官方宣布美斯延長假期，並趁機根治右腳舊患，今場唔會上陣，至於球王職責就由其他隊友分擔，中堅基文迪朗格勒上仗開紀錄，擔任中鋒嘅巴夫韋迪亦交出入球，火力比起之前有回升之勢。

位列中游嘅伊巴，15戰聯賽僅獲3勝，和波及輸波多達6場，不過睇番伊巴實際表現唔算太差，曾經喺10月初至12月中呢兩個多月時間，聯賽連盃賽10場賽事取得4勝5和僅輸1場，包括作客擊敗西維爾及賽和皇家蘇斯達，只可惜近兩仗聯賽不敵皇馬及艾拉維斯，防守能力見底，今場對住巴塞未許樂觀。

翻查對賽往績，巴塞近6季聯賽主場對伊巴全勝，不過今場主勝賠率乏味，讓到球半／兩球又嫌太辣，既然巴塞近5次主場對伊巴4次開總入球4球或以上，當中伊巴有3次破到蛋，今場捧入球大更加穩陣。